Irakurle-on/a eta Athletic Irakurketa

IRAKURKETA, ATHLETIC-EN BALIOETAKO BAT

Irakurketa sustatzeko ekintzak

Azken urteotan, Letrak eta Futbola izeneko literatura eta futbolari buruzko festibalarekin batera, irakurzaletasuna bultzatzeko beste ekimen batzuk ere jarri ditu martxan Fundazioak.

Egun, hiru ekimen daude indarrean: ikastegietan eta hitzartutako klubetan doan banatzen den urteroko argitalpen bat; irakurLEON(A) deritzon irakurkera sustatzeko kanpaina, eta Athletic Club-eko jokalariekin batera antolatzen diren irakurketa klubak (Athletic Irakurketa Kluba).

+ 100

LIBURU BANATU DIRA DOAN

+ 70.000

POSTER JARRI DIRA IRAKURZALETASUNA ETA IRAKURKETA KLUBAK SUSTATZEKO

Helburu nagusia da gure komunitateari erakustea Athletic Club ez dela kirol-prestakuntzaz soilik arduratzen den erakunde bat; gure gazteak, jokalariak eta jarraitzaileak beste arlo batzuetan ere hezitzen ditugula

Bestela esanda, aldarrikatzen dugu gazteen hezkuntza-prozesuan aliatuak garela; izan ere, gazteek Athletic Club miresten eta jokalariak erreferentetzat hartu ohi dituztenez, erakunde publikoak iristen ez diren tokietara iristeko aukera dugu, eta horrek botere handia ematen digu.

Argitalpenek, kanpainek eta irakurketa klubek erakundearen balioak aldarrikatzeko aukera ere ematen digute. Argitaratzen ditugun testu motek argi islatzen dituzte gure balioak, bai eta gure irakurketa klubak ikastetxeez gain bazterketa-arriskuan dauden kolektiboekin egiteak ere. Azkenik, ahalegina egiten dugu egungo futbolaren ezaugarrietatik urruntzen den nortasuna eta jokalariak aldarrikatzeko, gizartearekiko engaiamenduari dagokionean behintzat.

Nork finantzatzen duen proiektua:

Liburuei dagokienez, testuak enkarguz sortzen dira eta 8.000 ale inguru atera ohi ditugu, ikastetxeetan eta hitzartutako klubetan banatzeko

Azken urteetan agitaratutako liburuen artean daude Ainhoa Tirapuren Bizitza Eskukadaka, Oscar de Marcos-en Togo, Genuine ligako Igor Porset-en Ser williams eta Gogoaren Indarra. Azken hori “aukeratu zure abentura” formatuan plazaratu zen, eta bertan, txikia denetik Athletic Clubeko lehen taldera jokatzera iristen den arte neskato baten bizi-esperientziak kontatzen dira. Erabakiak hartu ahala, istorioak aurrera egin heinean, irakurleek neskatoek beren ametsak egia bihurtzeko bidean aurkitzen dituzten arazo eta oztopoekin enpatizatzea da asmoa.

Liburuak ez ezik irakurLEON(A) kanpainako posterrak ere banatzen dira, gazteei ikusarazteko horrenbeste idolatratzen dituzten jokalariek, beste afizio batzuen artean, irakurtzeko zaletasuna dutela.

Leloan gaztelania eta euskara nahasten dituen hitz-joko bat dago, alde batetik “irakurle ona” dio euskaraz, eta bestetik “leon/a” hitza dago gaztelaniaz.

Athletic Irakurketa Klubari dagokionez, lantzean behin deialdi bat irekitzen da athleticzaleek bere burua boluntario aurkeztu duen Athletic Clubeko jokalari bati (emakume zein gizon) irakurketa bat iradokitzeko. Iradokizun guztien artetik, jokalariak bat aukeratu eta hilabetean irakurtzeko konpromisoa hartzen du. Denbora-tarte hori igarota, solasaldi bat antolatzen da jokalariarekin eta irakurleekin batera, ikastetxeren batean edo San Mamesen. Azken urteetan jokalari ugari animatu dira esperientzia hori bizitzera.

Ezagutu Igorren istorioa

Ikusi nola irakurketak aldatzen dituen bizitzak. Igorrek bere istorioa kontatuko dizu. Idatzi zeuk ere zeurea!

Irakurle-on/a eta Athletic Irakurketa festibalari loturiko berriak

23 IRAILA 2020

irakurLE-ON kanpaina berria

Athletic Club Fundazioak irakurketa sustatzeko kanpainaren edizio berri bat aurkeztu du: irakurLE-ON Athletic Club Fundazioaren irakurLE-ON irakurketa[...]

Irakurri gehiago

10 EKAINA 2020

Futbola eta Literaturari buruzko udako ikastaroa

Athletic Club Fundazioak eta EHUk literatura eta futbolari buruzko udako ikastaro bat antolatu dute, lankidetzan Athletic Club Fundazioak literatua et[...]

Irakurri gehiago

20 MARTXOA 2020

Liburu talde bat

Letrak eta Futbolaren hamar ediziotan lortutako esperientziatik abiatuta, jaialdira gonbidatutako egileen hamaika obra hautatu ditugu Koronabirusaren [...]

Irakurri gehiago

13 AZAROA 2019

Athleticen haurrak Irakurketa Klubean

2006ko Aliron eta San Mames taldeek, Mikel San Josek eta Jose Roberto Torerok “Futbolaren istorio bat” liburua […]

Irakurri gehiago

27 MARTXOA 2018

irakurLE-ON / irakurLE-ONA

Letrak eta Futbola 2018 ekimenaren barruan, Athletic Club Fundazioak irakurLE-ON / irakurLE-ONA izeneko kanpaina jarri du abian, irakurketa sustatzeko[...]

Irakurri gehiago