Informazio orokorra

Athletic Club Fundazioa da webgune honen titularra (helbidea: Alameda de Mazarredo 23, 48009 Bilbo; IFK: G-95/203.188), eta Kirol Elkarteen Erregistroan inskribatuta dago, CD0000617 zenbakiarekin (telefono-zenbakia: 94 424 08 77; helbide elektronikoa: [email protected]).

Webgune hau, edo Athletic Club Fundazioaren jabetza esklusibokoa den beste edozein domeinu edo eduki erabiltzen baduzu, pentsatzekoa da Lege-ohar honetan jasotako erabilera baldintzak irakurri, ulertu eta onartu dituzula, inolako mugarik gabe eta argi eta garbi. Era berean, web orri honetan eskura duzun Pribatutasun Politika ere irakurri, ulertu eta onartu duzula pentsatuko dugu.

Adostasun horrek ez die eragingo webguneko zerbitzu jakin batzuetan aplikatu ahal diren erabilera-baldintzei edo -terminoei, eta ezinbestekoa izango da baldintza horiek onartzea zerbitzu horietarako sarbidea izateko.

Athletic Club Fundazioak eskubidea du webgune honetan ageri diren terminoak eta baldintzak aldatzeko, baita —besteak beste— edukiak eta informazioak zabaltzeko ere, edozein unetan eta aurretik ohartarazi gabe. Hori dela eta, baldintza horiek zentzuzko maiztasun batekin kontsultatzea gomendatzen du, haietan aldaketak eman daitezke eta.

Lege-ohar honetan ezarritako baldintzekin ados egon ezean, mesedez eskatzen dizugu webgune hau ez erabiltzeko; izan ere, esan dugunez, webgunea erabiltzeak Lege-oharrean eta Pribatutasun-politikan jasotako legezko baldintzak onartzea dakar.

Hizkuntza

Lege-ohar hau, gure Pribatutasun-politika edo webgune honetan argitara daitekeen beste edozein legezko informazio itzultzen baditugu, eta desadostasunen bat badago gaztelaniazko bertsioaren eta itzulitako bertsio baten artean, gaztelaniazko bertsioa lehenetsiko da.

Jabetza intelektualaren eskubideak

a) Athletic Club Fundazioak sortutako edukiari dagokionez:

Webgune hau osatzen duten edukiaren eta elementuen titularra Athletic Club Fundazioa da, eta, beraz, hari dagozkio haren jabetza intelektuala eta, zehazki, webguneko orrietako iturburu-kode, testu, irudi, diseinu, logo, programa informatiko, animazio, datu-base, marka, merkataritza-izen edo zeinu bereizgarri, soinu eta elementu grafiko edo soinu-elementu guztien jabetza. Hori ez da zerrenda itxi bat, adibide bat baizik, eta elementu horiek behar bezala babestuta daude, jabetza intelektualari eta industrialari buruzko Espainiako eta nazioarteko araudiarekin bat etorrita.

Erabiltzailearen betebeharra da edukiak modu arduratsuan eta egokian erabiltzea, legea, morala eta ordena publikoa aintzat hartuta. Athletic Club Fundazioak baimena ematen die erabiltzaileei webgunean dagoen informazioa ikusteko, baita erreprodukzio pribatuak egiteko ere (haien sistema informatikoetan deskargatzeko eta biltegiratzeko ekintza, besterik ez), betiere elementuak erabilera pertsonalerako baino erabiltzen ez badira. Horrez gainera, baimena ematen du kazetaritza-lanetarako erabiltzeko, baina horretarako baino ez, betiere, kasu bietan, edukiaren osotasuna errespetatzen bada eta jatorrizko iturria Athletic Club Fundazioaren jabetzako webgune hau dela identifikatzen bada.

Debekatuta dago Webgunearen edukia erabiltzea aurreko paragrafoan espresuki adierazitako xedeetarako ez bada, eta berariaz debekatuta dago edukiaren erabilera oker oro edo eduki horren izaeraren kontrako erabilera oro. Debekatuta dago webgunearen edukia banatzea, aldatzea, hirugarrenei lagatzea, erreproduzitzea, eraldatzea edo jendaurrean jakinaraztea edozein bitarteko eta teknologiaren bidez. Horretarako, beharrezkoa da Athletic Club Fundazioaren aurretiazko eta berariazko baimena, eta testu honen aurkako edozein jarduketa jabetza industrialaren eta intelektualaren eskubideen arloko araudiaren urraketatzat joko da.

Athletic Club Fundazioak egokitzat jotzen dituen legezko ekintzak baliatu ahal izango ditu bere eskubideak defendatzeko.

b) Erabiltzaileek sortutako edukiei dagokienez:

Gure webgunean edo Athletic Club Fundazioak antolatutako gertaera, jarduera, sustapen edo lehiaketa batean parte hartzeko, ikus-entzunezko edozein eduki babesgarri (bideoa, argazkiak, testu-edukia…) bidaltzen badiguzu, hartu hau kontuan:

• Edozein informazio edo iritzi literario, artistiko, zientifiko, tekniko edo beste edozein motatakoa artikulu, marrazki, bideo, argazki edo testuko edo ikus-entzunezko beste edozein edukiren bidez zabaltzen bada, edozein bitarteko edo euskarri erabilita, jabetza intelektualaren eskubideek babes dezakete.
• Eduki hori bidaltzeak esan nahi du bidaltzailearen baimena dugula webgune honetan edo sare sozialetako gure profiletan edukia erabiltzeko. Eduki horien gaineko egile-eskubideen titulartasuna egileari dagokio, eta hark bermatzen du.
• Hala ere, edukiak guri bidaltzeak edo webgune honetan edo gure sare sozialetan argitaratzeak haien gaineko erreprodukziorako eta komunikazio publikorako eskubideak lagatzea dakar, eta egileak eskubide horiek edozein modutan ustiatzeko eskubideari eutsiko dio, betiere ez badio kalterik egiten hedabide horietan guk normalean argitaratzen dugun edukiari. Beraz, bidaltzaileak modu ez-esklusiboan, doan, iraupen mugagabearekin eta mundu osorako lagatzen digu eduki horiek osorik edo partzialki erreproduzitzeko, banatzeko, itzultzeko, argitaratzeko eta zabaltzeko eskubidea —eduki horien azpilizentzia egiteko aukerarekin—, gaur egun ezagutzen den edo etorkizunean garatuko den edozein bitarteko erabilita, eta edozein helbururako. Eduki horiek honetarako erabili ahal izango dugu, besteak beste: ekitaldiari edo jarduerari buruzko informazioa emateko, hura dokumentatzeko, haren ikus-entzunezko memorian sartzeko, eta publizitate-liburuxketan, posterretan, papergintzan, sustapen-karteletan eta abarretan erabiltzeko.
• Igorleak bere titulartasuna bermatzen du edo egiazta dezake eduki horiek erabiltzeko eta haien lizentzia emateko beharrezkoak diren eskubide, gaitasun edo baimen, onespen eta adostasun guztiak dituela, eta edukiek ez dutela urratzen hirugarrenen eskubiderik, datu pertsonalak babesteko eskubiderik eta jabetza intelektualaren eskubiderik. Igorlea izango da erantzule bakarra hirugarrenek —Administrazio Publikoa barne— eduki horien inguruan erreklamaziorik egiten badute edo kalte-galerak eskatzen badituzte. Gainera, legeak gure eskubideak defendatzeko ematen dizkigun akzioak baliatzeko ahalmena dugu, eta, hala, aurre egin behar diogun edozein erantzukizun, baita ekonomikoa ere, igorleari jasanaraziko diogu.

Segurtasuna

Webgune honetan HTTPS (SSL) protokoloa erabiltzen dugu zerbitzariaren eta erabiltzailearen artean komunikazio-kanal seguru bat ezartzeko, eta, beraz, datu pertsonalak bidaltzeko. Zerbitzu hori zerbitzari seguru baten bidez emateak bermatu egiten du erabiltzailearen ordenagailuaren eta zerbitzariaren artean trukatzen den informazioaren konfidentzialtasuna; izan ere, bien artean konexio zifratu bat ezartzen da, SSL protokoloa erabiliz, eta horrek bidalitako informaziora sartzea eragozten die hirugarrenei.

Erantzukizuna

a) Informazio orokorra

Athletic Club Fundazioaren interesa da webgune honek ahalik eta eraginkortasunik handienarekin funtzionatzea eta sortzeko izandako xedea betetzea. Hala ere, Athletic Club Fundazioak ezin du bermatu webguneak eta zerbitzariak birusik ez dutenik, eta ez du inolako erantzukizunik izango webgunean sartzeak edo bertan sartzeko ezintasunak sorrarazitako kalteen gainean, ez eta, nabigatzailearen funtzionamendu okerraren ondorioz edo bertsio eguneratu gabeak erabiltzearen ondorioz, erabiltzailearen ordenagailuan, sistema informatikoan edo bertan gordetako fitxategietan eragindako kalteen gainean ere.

Era berean, ez du erantzukizunik izango webguneak izan ditzakeen akats tipografiko, formal edo numerikoengatik, ezta bertan jasotako informazioaren zehaztasunagatik edo funtzionamenduan egon daitezkeen disfuntzio edo irregulartasunengatik ere (adibidez, Interneteko sarearen edo web-orria ostatatzen duen zerbitzarien arazoek eragindakoak).

Erabiltzaileak konpromisoa hartzen du webgune hau leialtasunez eta modu zilegian erabiltzeko, trafikoaren legeei eta erabilerei jarraituz. Halaber, erabiltzailearen betebeharra da Athletic Club Fundazioaren edo hirugarrenen irudiari, interesei edo eskubideei kalte egin diezaiekeen edota webgune honen erabilera normalari nola edo hala kalte egitea edo webgunea erabilezin utzi, gainkargatu edo haren funtzionamendua galaraztea eragin dezakeen jokabiderik ez izatea.

Athletic Club Fundazioak eskubidea du webgune honetan ageri diren terminoak eta baldintzak aldatzeko, baita —besteak beste— edukiak eta informazioak zabaltzeko ere, edozein unetan eta aurretik ohartarazi gabe. Hori dela eta, baldintza horiek zentzuzko maiztasun batekin kontsultatzea gomendatzen du, haietan aldaketak eman daitezke eta. Zure ardura da webgune honetan gehitu ahal diren lege-ohar eta erabilera-baldintza berriak irakurtzea. Hala egin ezean, ez duzu webgunea erabili behar, ezta bertan sartu ere. ATHLETIC CLUB FUNDAZIOAK ez du erantzukizunik izango, eta Webguneko edukiak eta bertan emandako zerbitzuak bertan behera uzteko eta sarbidea amaitutzat emateko eskubidea izango du.

b) Hirugarrenen hiperestekak

Athletic Club Fundazioaren jabetzako webguneetan, hirugarrenen baliabide edo guneetan sartzeko estekak egon daitezke, uste badugu horiek zuretzat interesgarriak edo beharrezkoak izan daitezkeela gure webguneko zerbitzuetako batzuk egiteko. Dena den, webgune horiek ez ditugu inola ere guk kontrolatzen.

Esteka horiek aukera emango dizute zuretzat interesgarriak izan daitezkeen baliabideak Internet bidez errazago bilatzeko, edo gure webguneko zenbait zerbitzuren kudeaketa errazteko, hala nola gure online dendan egindako erosketen tramitazioa, ordainketa eta fakturazioa.

Nolanahi ere, web-orri horiek ez dira Athletic Club Fundazioarenak, eta ez ditu haien edukiak berrikusten, ezta gune horietan agertzen diren edo ez diren edo eskuragarri dauden edo ez dauden zerbitzuak, edo estekatutako orriaren funtzionamendua edo egin dezaketen datuen erabilera eta tratamendua ere. Halaber, ez ditu berrikusten egin ditzaketen arau-hausteak edo guneetan sartzeagatik edo guneak erabiltzeagatik sor daitezkeen kalteak. Esteka egoteak ez du esan nahi, nahitaez, inolako loturarik dagoenik erakundearen eta eduki horien edo haien kokalekuen titular diren pertsonen edo erakundeen artean.

Beraz, Athletic Club Fundazioak ez du inolako erantzukizunik izango estekatutako webguneen gainean, ez eta web-orri horien funtzionamenduaren, edukien eta bertan ostatatutako zerbitzuen eta estekatutako webgune horietan egon daitezkeen esteken gainean ere.

Arren eskatzen dugu web-orri horien Lege-oharrak eta, bereziki, Pribatutasun-politikak irakurtzeko, web-orri horietan datu pertsonalak sartu aurretik, eta, zalantzarik izanez gero, webgune horiekin zuzenean harremanetan jartzea gomendatzen dizugu, haien pribatutasun-politikei buruzko argibide gehiago lortzeko.

Erabiltzaileren batek estekatutako webgune horietan dauden eduki, zerbitzu edo jarduerak legez kontrakoak edo desegokiak direla sumatzen badu, berehala jakinarazi beharko dio Athletic Club Fundazioari, hala badagokio, egokitzat joten dituen neurriak har ditzan.

c) Webgune honetan sartzeko hirugarrenen web-orrietan dauden hiperestekak

Pertsona edo erakunde batek hiperesteka bat egin nahi badu beste webgune batetik webgune honetan sartzeko, honako baldintza hauek bete beharko ditu:

• Berariaz debekatuta dago Athletic Club Fundazioa webgunearen orri bat erakunde horrena ez den beste webgune batean aurkeztea («framing» izeneko teknikaren bidez edo ondorio beretarako edo antzekoetarako erabiltzen den beste edozein teknikaren bidez), baita Athletic Club Fundazioaren bidez zabaldutako edozein eduki beste webgune batean sartzea ere, «in line linking» izeneko teknikaren bidez, edo ondorio beretarako edo antzekoetarako erabiltzen den beste edozein teknikaren bidez, erakundeak horretarako berariazko baimenik eman ez badu.
• Hiperesteka jartzeko aukeratzen den webguneak ez du izango inolako logotiporik, ikonorik, markarik, merkataritza-izenik, establezimendu-errotulurik, izendapenik, esloganik edo Athletic Club Fundazioari dagokion beste zeinu bereizgarririk, baldin eta erakundeak horretarako berariazko baimenik eman ez badu.
• Nolanahi ere, «hiperesteka» ezartzeak ez du esan nahi Athletic Club Fundazioaren eta hiperesteka duen web-orriaren edo atariaren titularraren artean harremanik dagoenik, ezta Athletic Club Fundazioak hiperesteka hori ezagutzen eta onartzen duenik ere. Athletic Club Fundazioak ez du inolako erantzukizunik izango «hiperesteka» duen web-orrian edo atarian jendearen eskura jarritako eduki edo zerbitzuen gainean, ezta haietan jasotako informazio eta adierazpenen gainean ere.
• Hiperesteka duen web-orriak ez du jasoko zilegia ez den informaziorik edo edukirik, moralaren eta oro har onartutako ohitura onen eta ordena publikoaren aurkakorik, ezta hirugarrenen eskubideen aurkakorik ere.
• Athletic Club Fundazioa webgunean sartzeko «hiperestekek» orri nagusira joko dute, edo webgune horretako atalen orrialde nagusietara.

Publizitatea

Athletic Club Fundazioaren jabetzako webguneak, baita bertan dauden azpidomeinu, mikrosite edo azpiatalek publizitate-edukiak izan ditzakete, edo babestuta egon daitezke. Iragarleen eta babesleen ardura da, eta haiena baino ez, webgunean sartzeko bidalitako materialek kasuan kasu aplikatzekoak diren legeak eta baimenak betetzen dituztela ziurtatzea. Webgunearen titularra ez da izango publizitate-edukietan edo babesleen edukietan jaso daitekeen errore, oker edo irregulartasunen erantzule, ezta horrek sentsibilitatean eragin ditzakeen kalteena ere.

Jakinarazpen komertzialak eta publizitate-edukiak

Athletic Club Fundazioak webgune honen erabiltzaileei jakinarazten die, aurretiazko kontratu-harremanik izanez gero, informazioa bidaliko diegula gure jarduera, produktu edo zerbitzuen inguruan (jakinarazpen elektronikoen bidez ere), gure interes legitimoan oinarrituta. Halako informaziorik bidaltzerik nahi ez baduzu, helaraz iezaguzu, mesedez, mezu bat [email protected] helbidera, eta ez dizugu bidaliko.

Halako jakinarazpenak bidaltzeko baimena ukatzeak ez du esan nahi zure datuak tratatuko ez ditugunik pribatutasun-politikan deskribatutako gainerako xedeetarako. Bezeroa ez bazara, halako publizitate-jakinarazpenak edo jakinarazpen komertzialak bitarteko elektronikoen bidez bidaliko dizkizugu soilik, baldin eta baimena ematen badiguzu. Horretarako, gure web-orrian espresuki xede horrekin dagoen aukera sakatu behar duzu.

Pasahitzak eta eremu pribatua

Zerbitzu jakin batzuetan, eremu pribatuan, intranetean eta abarretan sartzeko identifikatzailea edo pasahitza bidaltzen badizkiogu erabiltzaileari, bere erantzukizun esklusiboa izango da horiek gordetzea, konfidentzialtasun eta sekretu zorrotz eta erabatekoak bermatuta. Pasahitza arduraz zaindu, erabili eta gorde beharko du, eta espresuki debekatuta dago hura hirugarrenei lagatzea. Hortaz, erabiltzailearen erantzukizunpekoak izango dira eta berari egotzi ahal izango zaizkio Webgunearen titularrarentzat eta gainerako internautentzat sor daitezkeen ondorio kaltegarriak. Identifikatzailea edo pasahitza lapurtu, galdu edota baimenik gabe erabili edo eskuratuz gero, ukitutako pertsonak berehala jakinarazi beharko dio Athletic Club Fundazioari, beharrezkoak diren neurriak har ditzan, eta erabiltzailearen erantzukizunpekoak izango dira, berandu jakinaraztearen ondorioz, Athletic Club Fundazioak nahiz beste erabiltzaile batzuek izan ditzaketen kalteak.

Athletic Club Fundazioak ez du inolako erantzukizunik izango datu pertsonalen inguruan sor daitezkeen gorabeheren gainean, baldin eta gorabehera horiek sistemei egindako eraso baten edo baimenik gabeko sarrera baten ondorioz gertatzen badira —ezarritako segurtasun-neurrien bitartez hori detektatzea ezinezkoa denean—, edo, pasahitzak edo datu pertsonalak zaindu eta babestean erregistratutako erabiltzaileak ardurarik gabe jokatzearen ondorioz gertatzen badira.

Webgune honetako eremu pribatuan sartzeko, ezinbestekoa da erregistratzea, eta, horretarako, oinarrizko informazioa baino ez da eskatuko, eremu pribatuan zure profila sortzeko behar dena. Erregistratzeko inprimakia bete ondoren, zure identitatea egiaztatu ahal izango dugu, zure profila aktibatzeko.

Sare sozialak

Gure webguneek eta aplikazio mugikorrek sare sozial batzuetarako konektoreak dituzte. Erabiltzaileak sare sozial batean jardutea aukeratzen duenean, gure webguneetan edo gure aplikazio mugikorren bidez duen jarduera sare sozial horren eskura jarriko da. Datuak cookieen bidez bil daitezke, funtzionamendu egokia ahalbidetzeko; adibidez, IP helbidea edo gure webguneetan bisitatzen ari den orria.

Erabiltzaileak saioa hasten badu sare sozial batean gure webguneetako bat edo aplikazio mugikorretako bat erabiltzen ari denean, sare sozialak informazio hori gehitu ahal izango du erabiltzailearen profilean, eta informazioa sare sozialera bidaliko da. Datu-transferentzia hori egiterik nahi ez baduzu, itxi sare sozialeko saioa gure webgunean sartu baino lehen, guk ezin baitugu eragotzi datuak jasotzeko eta konektoreen bidez transferitzeko aukera hori.

Sare sozialak ez daude zuzenean gure zerbitzarietan ostatatuta. Hala, euren baldintzek arautzen dituzte erabiltzaileek haiekin dituzten interakzioak, eta ez, aldiz, geureek. Sare sozial horien pribatutasun-politikak irakurtzeko gomendatzen dizugu, datu pertsonalen bilketari eta transferentziari, zure eskubideei eta zure pribatutasunaren konfigurazioari buruzko informazio zehatza eskuratu dezazun.

Aplikatu beharreko legeria, jurisdikzioa eta eskumena

Baldintza hauen interpretazioaren inguruan eta Webgune honetako zerbitzuekin lotutako edozein alderdiren inguruan gatazkarik edo eztabaidarik izanez gero, Espainiako jurisdikzioa eta araudia aplikatuko dira, eta eskumena Bilboko auzitegiek izango dute.