Onkologia duten pazienteentzako Athletic Walking Football-eko ordezkariek osatutako talde zuri-gorriak nazioarteko txapelketa batez gozatu zuen, eta bere ezaugarri bereizgarria utzi zuen agerian: bizitzearen poza, bizipoza
Abuztuaren amaieran Hamburger SV taldeak antolatutako nazioarteko txapelketan parte hartu zuen Athletic Club Walking Football taldea oso talde berezia zen. Gainerako lehiakideek ez bezala, gure taldea minbizia gainditu duten edo gaixotasunarekin kronikotasun-egoeran bizi diren pertsonek osatu zuten. Athleticez gain, espedizio zuri-gorriak astero Lezaman entrenatzen duten 40 pertsona baino gehiago ordezkatzen zituen, Athletic Club Fundazioak eta Minbiziaren Aurkako Bizkaiko Elkarteak bultzatutako proiektu batean parte hartuz.
Bidaia hasi zenetik, Athletic Club Walking Football taldeak bere arrastoa utzi zuen, prozesu onkologikoa bizi duten pertsonen bizitza hobetzea helburu duen ekimenari zentzua emanez. Horrela, Hanburgon gertatu den bezala, futbola eta Athletic eskutik helduta ongizate fisiko, emozional eta sozialeko tresna bihurtzen dira, minbiziak eragindako inpaktua gutxitzen eta pertsonen bizi-kalitatea hobetzen lagunduz.
Fair Play eta Bizipoza sariak
Athletic Club Walking Football taldeak Schalke 04, Borussia Dortmund, Slavia Praga, Bayer 04 Leverkusen, Hertha BSC Berlin, Werder Bremen edo HSV talde anfitrioiaren aurka jokatu zuen Hanburgon. Gutxienekoa emaitzak izan ziren. Garrantzitsuena, Lezamatik bidaiatu aurretik Edin Terzić-ek gogorarazi zien bezala, esperientziaz gozatzea eta Athleticen baloreak irudikatzea zen. Fair Playren garaikurraren konkistak frogatzen du biak egin zutela nota onarekin. ‘Joko garbi gehien duen taldearentzat’ leloa zioen Hanburgoko kamiseta bat jaso zuten sari gisa.
Esaldi hori honela osatu zitekeen: ‘Joko garbi eta alaitasun gehien duen taldearentzat’. Izan ere, bizipoza, euskaraz esaten den bezala, Athletic Walking Football honen beste ezaugarrietako bat da.
Futbola dena da dena futbola ez denean.
Aniztasun funtzionala
