Zelaia irabazi & Lay's Replay
IKASTEKO ETA TREBATZEKO ESPAZIO SEGURUA
Futbolean aritzea helburua
Proiektu honen helburua da dena delako arrazoiagatik joko-zelaitik baztertuta sentitu diren neskatoak futbolean aritzera bultzatzea.
3
NESKEN TALDE
65
KIDE GUZTIRA
+ 450
NESKATO LEHEN ALDIZ FUTBOLEAN ARITZEA LORTU DA PROIEKTUAREN LEHEN URTEAN
Futbola tresna sozio-hezitzailea da
Beharrezkoa da neskatoei futbolean aritzeko aukera ematea, eta haiei eta haien familiei futbola zeinen tresna sozio-hezitzaile indartsua den ikusaraztea.
Izan ere, osasun fisiko eta mentala hobetzeaz gain, funtsezko balioak sustatzen ditu futbolak, hala nola tolerantzia, errespetua, konpromisoa eta elkarlana. Gure proiektua Bilboko 12-16 urte bitarteko neskei zuzenduta dago, bereziki jatorri migratzailea duten familietakoei, eta xede nagusia kirolaren bidez ikasteko eta trebatzeko espazio seguru bat sortzea da.
Norekin batera lantzen den proiektua:
Babeslea:
Elkarlaneko kidea:
Izaera lehiakorrik ez duten txapelketa federatuak eta eskola-artekoak
Ekimenak nesken 3 talde ditu, 65 kiderekin guztira, mailaketa kontuan hartu barik eta xede lehiakorrik gabe. Talde horiek Bakuva izenarekin parte hartzen dute Lezamako instalazioetan egiten diren ohiko lehiaketetan, bai federatuetan, bai eskolakoetan.
Txapelketetan parte hartzeak neskatoei proiektuarekin daukaten konpromiso-maila handitzen du eta kirolean jarraitzen laguntzen die.
Taldeek astero entrenatzen dute Errekaldeko kiroldegian: entrenamenduez eta txapelketako partidez gain, beste jarduera batzuk ere antolatzen ditugu, genero ikuspegia lantzeko. Aldarrikatu nahi dugu futbola espazio ezin hobea dela neskatoentzat, futbola neskena ere badela eta haren parte direla. Proiektu honetan, zelaia irabaziz erakusten dute futbola garapenerako eta ahalduntzerako tresna boteretsua dela.
Non garatzen den proiektua
Zelaia irabazi & Lay's Replay festibalari loturiko berriak
2030 agendarekin konprometituta
ZELAIA IRABAZI & LAY’S REPLAY PROIEKTUAN PARTE HARTU NAHI DUT
Parte hartu nahi baduzu, leku bat dugu zuretzat gordeta Fundazioan. Hemen gaude, zuri laguntzeko prest.
Agian hau ere interesatuko zaizu
Zelaia irabazi & Lay's Replay-ekin lotura duten beste proiektu batzuk ezagutzeko gonbit egiten dizugu
Emakumeak
Zaurgarritasun ekonomikoa