Athletic Club Fundazioa: komunitatea, inklusioa eta kultura
Gizartearen ongizatea lortzen laguntzea da gure eguneroko poza.
Horretarako, bi tresna baliatzen ditugu, kultura eta futbola, espiritu athleticzalearen eraginaz indartuta.
Egiten dugun horretan irmo sinesten dugu, gure izaera baitugu.
Futbola dena da dena futbola ez denean
Zer du futbolak? Zer du futbolak kirola fede bihurtzeko? Badago munduan beste ezer, igande batean bizitza kentzen dizuna, baina hurrengoan inoiz baino biziago zaudela sentiarazten zaituena?
Zer du futbolak balio guztiak galdu dituela dioen jenderik badago? Zer du gauzak egiteko modu paregabe batez harro sentiarazteko? Zer du fokuek itsutzen dutena baino haratago ikusteko? Zer dute kolore hauek, armarri honek, istorio honek, ereserki honek?
Futbolak arrazoiak ulertzen ez dituen arrazoimenak ditu oraindik. Irabaztera ateratzeko elkartzen gaituen indarra. Deialdian inoiz agertu ez arren hasierako hamaikakoan egoteko indarra.
Horixe da garen gizartearekin lotzen gaituen futbolaren handitasuna. Soropilaren azpian dagoen lurra zapaltzera eramaten gaituena. Sustraiak sendotzeko ureztatzera bultzatzen gaituena. Arrasto bat utzi. Zer du, beraz, futbolak? Gola baloiak atea zeharkatzea baino haratago doala gogorarazteko ahalmena. Hori da futbolaren benetako indarra.
Gure futbolarena bai, behintzat.
Athletic Club Fundazioaren azken berriak
Jaso Athletic Club Fundazioan gertatzen den guztiaren berri albiste berrienen eta garrantzitsuenen bidez.
Ingurukoei laguntza eskaintzea: erroak lurrari lotuta dituen kluba
Athletic Club Fundazioak gizarte-eraginaren arloan lortutako emaitzak gure inguruko gizarte-sareetako dozenaka erakunde, elkarte eta antolakunderekin egindako elkarlanaren fruitua dira, haiekin batera jartzen baitira martxan proiektuak.
Elkarrekin urrunago helduko gara.
5.496
ERABILTZAILE ZUZEN
308.353
ZEHARKAKO ERABILTZAILE
20.447
FUNDAZIOZALE
Guztion onerako proiektuak
Komunitatea, inklusioa eta kultura
Helburua gure gizarteko pertsonen bizimodua, eta bereziki, beharrizan handiena duten haiena, hobetzeko ekarpenak egitea da. Hiru arlo nagusi lantzen ditugu: Komunitatea, Inklusioa eta Kultura. Hiru arlo horiek era transbertsalean eta ardatz irmo bat oinarri hartuta lantzen ditugu: Athletic-en balioak eta futbola inklusiorako eta eraldaketarako tresna gisa erabiltzea.
Zinema
Osasuna
Emakumeak
Kirola
Hezkuntza
BALIOAK DIRA ALDAKETAREN INDARRA
Proiektuetan Athletic Club-en balioak txertatzen ditugu
125 urte baino gehiagoko historian zehar Athletic indartsu egin duena bere balioak, komunitatearekiko lotura eta izateko eta jokatzeko modua izan zira. Eta osagarri horiexek dira, hain zuzen ere, Athletic Club Fundazioak bere proiektu guztietan sartzen dituenak.
Garazi
“Fundazioa da berezi egiten gaituena”
Garazi Murua
Athletic Clubeko futbolari ohia
GABRIEL
“Athletic Club Fundazioarekin eta Eragintzarekin astero egiten dudan Walking Football jarduerak asko esan nahi du niretzat, Athletic bezalako gauza garrantzitsu baten parte sentiarazten nauelako!”
Gabriel Garaibordobil
Eragintza erabiltzailea
Gontzal
“Fundazioan lan egiteak Athletic ikusteko dudan modua osatu egiten du. Ikuspegi hori gabe, zaila litzateke gure inguruko gizartearekin lotzen gaituena osoki ulertzea”
Gontzal Suances
Futbolari ohia. Fundazioko proiektuen kudeatzailea
Galder
“Kontziente gara Athletic Club-en armarriaz lan egiteak ardura itzela eskatzen duela. Gure lanarekin lortu nahi duguna athleticzaleak fundazioaz harro egotea da”
Galder Reguera
Fundazioko operazio eta estrategia zuzendaria
Egin bat Athletic Club Fundazioarekin
Athletic bakarra da, hura osatzen dugunok ere bakarrak garelako.
Eta zu horietako bat zara.
