Bakuva

GIZARTERATZEA ETA BABESA BERMATZEN

Bilbo Zaharrean bizi diren eta gizarte-bazterketa jasateko arriskuan dauden 8-14 urte bitarteko haurrei zuzendutako proiektua

Bakuva Fundazioarekin elkarlanean, denboraldi bakoitzean hiru talde misto eratzen ditugu: bat haur-kategorian, beste bat kimuetan eta azkena benjaminetan.

Talde horiek eskola-kiroleko ligetan hartzen dute parte. Taldeak Athletic Club Fundazioko teknikariek zuzentzen dituzte. Helburu nagusia haur horientzat babes-eremu bat sortzea da, asko eta asko familia desegituratuetatik baitatoz. Programaren bidez, haurren hezkuntza-prozesua hobetzea lortu nahi da, bai eta gizarteratzea eta elkarbizitza sustatzea ere, eta horretarako kirol- eta joko-jarduerak eta jarduera akademikoak baliatzen dira.

4.752

ENTRENAMENDU-ORDU

+ 500

PARTIDA JOKATUTA

+ 330

HAURREK DEFENDATU DITUZTE OHORE HANDIZ BAKUVAREN ETA FUNDAZIOAREN KOLOREAK

Proiektu honetan parte hartzen duten haurrek ez dituzte oinarrizko baliabideak eskura, eta ondorioz, ez dute kalitatezko hezkuntza jasotzeko aukerarik

Athletic Club Fundazioaren eta Bakuva Fundazioaren baterako lanak zailtasun horiei haurren garapenerako ezinbestekoak diren bi ikuspuntu ezinbestekotatik heltzeko aukera ematen digu: Bakuvakoek arlo akademikoko laguntza ematen die eta beste kirol batzuez arduratzen dira, hala nola saskibaloiaz; Athletic Club Fundazioak, aldiz, aisia parte-hartzailea eskaintzen die futbolaren bidez, eta araututako jokoa baliatuz, eguneroko bizitzarako baliagarriak izango zaizkien jarrerak eta gaitasunak berenganatzen eta garatzen laguntzen die.

Elkarlaneko kidea:

Taldeek astean hirutan entrenatzen dute El Fango kiroldegian

Saioetan kirol-kontuak lantzen dira, baina baita portaerari, elkarbizitzari, higieneari eta eguneroko ohiturei loturiko gaiak ere.

Proiektu honetan, gure teknikarien egitekoa funtsezkoa da, askotan beren etxeetan halakorik ez duten haurren autoritate-erreferente eta jarrera-eredu bihurtzen baitira.

Taldeak eskola-ligan lehiatzen dira larunbatetan. Partidak etxean jokatzen dituztenean, Lezamako instalazioetan egiten dute, eta horrela, aurren portaera positiboa indartzea lortzen da, Athletic Club-en egituraren parte sentitzen baitira.

Denboraldiaren amaieran jai bat antolatu ohi da hiru taldeetako kideekin, eta ereduzko bilakaera izan duten jokalariei sariak banatzen zaizkie (campusean parte hartzeko aukera), egindako ahalegina saritzeko.

Gainera, aipatzekoa da Bakuva taldeetako teknikarien artean programako erabiltzaile ohiak daudela; beren garaian horretarako formakuntza jaso eta gero, programaren parte dira gaur egun.

Ezagutu Lucio istorioa

Ikusi kirolak nola aldatzen dituen bizitzak. Luciok bere istorioa kontatuko dizu. Idatzi zeuk ere zeurea!

Non garatzen den proiektua

Errekaldeko kiroldegia (Bilbao Kirolak)

Bakuva festibalari loturiko berriak

20 UZTAILA 2022

Iraunkortasunerako eta gizarteratzerako haziak

Fundazioak, Bakuva eta Lurgaiarekin batera, haziak biltzeko jardunaldi bat antolatu du Urkiolan, CO2 konpentsazio proiek[...]

Irakurri gehiago

04 AZAROA 2021

Fundazioa eta Bilboko Udala, elkarrekin gizarteratzearen alde

Bi erakundeek lankidetza hitzarmena berritu dute eta Bilbao Kirolak-ek doan lagako ditu bere kirol instalazioak Bizitegi, Adsis, Bakuva, Ahalegina, Be[...]

Irakurri gehiago

27 IRAILA 2021

Athletic Club Fundazioak Haurren Pobrezia Zero Aliantzarekin bat egin du

Akordioaren helburua haur eta nerabe guztiek etorkizunerako aukera berdinak izatea da, jaiotza-baldintzak kontuan hartu gabe Juan Carlos Ercoreca Athl[...]

Irakurri gehiago