Oscar De Marcosek eta Galder Reguerak Thinkingeko azken edizioa inauguratu zuen ezusteko emanaldia nola sortu zen gogoratu dute
Irailaren 19tik 25era Sala BBK aretoan egingo den 2022ko Thinking Football Film Festival jaialdiaren atarian, iazko edizioan gertatutako istorio oso berezia ekarriko dugu gogora..
Orsaik, Athletic Clubeko jokalariz osaturiko musika taldeak, kontzertu sorpresa eskaini zuen Thinkingeko inaugurazio ekitaldiko bukaeran.
Jendaurrean ematen zuen lehen kontzertua izan zen hura. Ia urtebete geroago, Oscar De Marcos eta Galder Reguera Fundazioko Proiektu Arduraduna elkartu ditugu, kontzertu txiki baina gogoangarri hura nola sortu zen, orduan izandako sentsazioak eta une berezi hark oroimenean utzi duen zapore ona gogorarazteko.
Galder Reguerak berak gogoratzen duenez, “Orsairen lehen kontzertua Athletic Fundazioko publikoarentzat izatea ez da kasualitatea. Sei jokalari horiek Fundazioaren proiekturarekin bereziki duten konpromisoaren irudikapena da, baina, oro har, Athleticen aldagelek (aldagela esan behar nuen, baina aldagelak esango dut, askoz haratago hedatzen delako hau) ere dutena. Oparo polita bezala hartu genuen guk, eta, gainera, itxiera ezin hobea izan zen guretzat oso garrantzitsua zen egun hartan”.
Eskerrik asko, Orsai!
Zinema
