Ahanzturan eroritako emakumezkoen lehen futbol mundialari buruzko istorio sinestezinak onespen gorena lortu du Athletic Clubeko XII. zine-jaialdian
James Erskinek eta Rachel Ramsayk zuzendutako eta Venus eta Serena Williams ahizpek eta Alex Morganek ekoitzitako “Copa 71” film britainiarrak irabazi du Thinking Football Film Festival 2024ko Publikoaren Saria, EITBk babestua. “Copa 71” ahaztutako Munduko Txapelketa berreskuratzen duen dokumentala da, 1971n Ingalaterra, Argentina, Mexiko, Frantzia, Danimarka eta Italiako emakumezkoen selekzioek Mexiko Hirian jokatu zutena. Txapelketak ehunka mila lagun bildu bazituen ere, eta aurrekaririk gabeko arrakasta izan bazuen ere, ahaztuta geratu da.
James Erskinek eta Rachel Ramsayk erritmo liluragarria ematen diote dokumentalari, ikuslearen arreta bereganatuz, gertaeraren irudi historiko ikusgarriak – zelaiak beteta, jendea gaixorik, jokalariak harrituta, baina, aldi berean, gogotsu – eta protagonisten egungo testigantzak konbinatuz.
Bere kalitate zinematografiko handiaz haratago, filmak errebindikazio bat suposatzen du desoroimenaren aurrean. Zentzu horretan, filmak hausnarketara eraman behar gaituen galdera bat planteatzen du: zergatik geratu da ezkutatuta halako kirol eta gizarte mailako gertakari bat futbolaren historian? Egitura matxista eta diskriminatzailea duen industriaren interesek edozein erantzun posibleren gainean ezartzen dira.
EITBk babestutako Thinking Football Publikoaren Sariak 3.000€ ematen dizkio film irabazleari, eta kopuru hori filmeko langileek aukeratutako gizarte-proiektu baterako erabili behar da.
Halaber, film irabazleari ematen zaion garaikurrak emakume futbolari bat irudikatzen du, beso batekin baloi bat hartzen duena eta, bestearekin, liburu multzo bat. Futbola eta kultura, eskutik. Athletic Club.
Zinema
