Fundazioak bat egin du EFDNren kanpainarekin, futbolarekin lotutako erakundeen gizarte-ekintza ezagutzen laguntzeko
Athletic Clubek eta Fundazioak #Morethanfootball kanpainarekin bat egin dute. Kanpainaren helburua futbol profesionaleko klubek dagokien komunitatearen alde egiten duten lan soziala ikusaraztea da. Kanpaina EFDN (European Football for Development Network) elkarteak sustatzen du. Elkarte horrek Europa osoko futbol-klubak, -ligak eta -federazioak batzen ditu, futbolaren bidez gizarte-hobekuntzaren alde lan egiten dutenak, eta Fundazioa elkarte horren parte da azken urteotan. Oscar de Marcos, Iñigo Lekue, Maria Díaz eta Marta Unzué izan dira ekimenean parte hartu duten jokalariak.
Hain zuzen ere, apirilaren 13an eta 14an, EFDNk bere hamabosgarren topaketa antolatu du, elkarteko kideek esperientziak, erronkak eta proiektuak partekatzeko. EFDN Conference jaialdiaren edizio hau birtuala izango da pandemiagatik.
EFDNk antolatutako #Morethanfootball kanpainaren esloganak jasotzen duen bezala, Athletic Clubek Fundazioaren bidez gizartearekin duen konpromisoa futbolaz haratago doa, eta gaur egun 40 proiektu garatzen ditu bost lan-arlotan: soziala, kulturala, kirol- eta akademiko-arlokoa, prestakuntza eta garapenekoa, eta ingurumenekoa. Horietatik guztietatik informazio gehiago https://athleticclubfundazioa.eus/eu/ webgunean eskura daiteke.
