‘Two Tribes’ dokumentalak entzuleekin bat egin zuen; Sammy Leek, Andy Wellsek eta Sid Lowek bihotzarekin hitz egin zuten; Michael Robinsonen espiritua Sala BBK Aretoan sumatu zen, eta Athletic eta Fundazioaren zinemaldia laburbiltzen dituen esaldia giroan nabari zen: “Futbola baino gehiago da, bizitza da”
Gau magikoa bizi izan zen atzo Sala BBK Aretoan, Athletic Club Fundazioaren Thinking Football Film Jaialdiaren Katedralean. Andy Wellsek, ‘Two tribes’ filmaren zuzendariak, adierazi zuenez “ez zegoen Bilbo eta Thinking-eko ikusleak baino leku eta audientzia hoberik filma proiektatzeko”, eta Sala BBK Aretoan entzundako txalo zaparradek arrazoia eman zioten.
Dokumentalak 80ko hamarkada Merseysiden berpizten du, eta Liverpoolek eta Evertonek lur jota zegoen populazioaren gogoa pizteko izan zuten garrantzia azaltzen du, Bilbon eta Euskal Herrian hamarkada berean gertatutakoarekin antzekotasun sozial argiak dituena. Hau da, lurraldea eta identitatea beste pertsonaia bat gehiago bihurtzen diren testuingurua da.
Sammy Lee handiak bere hitzaldietako batean azaldu zuen bezala: “Hau futbolaz haratago doa. Familia bat da”. Sid Lowe bat etorri zen adierazpen horrekin, Michael Robinson eta bere esaldia hunkituta gogoraraziz: “Ez da klub bat, kausa bat da”.
“Jaialdi hau, jende hau, leku hau paregabea da. Ohore bat hemen egotea”, esan zuen bere agurrean Andy Wellsek.
‘Copa 71’, ikastetxeentzako goizeko saioan, eta “Stuck On You” eta “Greenland: Venezia” arratsaldean
Athletic Club Fundazioaren zinemaldiaren bigarren egunak, berez, Thinking Football zer den azaltzen digu. Nerea Ortiz presidenteordeak inaugurazioan adierazi zuen bezala: “Zinemaldiko film guztiek badute zerbait amankomunean. Denek kontatzen dituzte merezi duten istorioak; denek erabiltzen dute baloia nor garen eta nor izan nahi dugun, gizarte eta pertsona gisa sentiarazteko eta pentsatzeko”.
Helburu horrekin berarekin, sentiarazteko eta pentsatzeko, ikastetxeentzako ‘Copa 71’ dokumentalaren emanaldi bereziarekin hasi zen jardunaldia. Film horretan kontatzen da 1971ko emakumezkoen Munduko Txapelketa, Mexikon arrakasta handiz ospatua, modu ilun batez ahaztuta geratu zela. Azken batean, historikoki emakumeei euren borrokan ukatu izan zaien espazio publiko bat okupatzeko erakusgarri da. Ander Deuna Ikastetxea, Kirikiño Ikastola eta Ikasbide Ikastetxea bezalako ikastetxeetako 400 ikasle baino gehiago bertaratu dira Sala BBK Aretoan.
Arratsaldean, lehen saioan ‘Stuck On You: The Football Sticker Story’ eta ‘Greenland: Venezia’ zintak proiektatu ziren, Martin Fradkin zuzendariarekin aretoan.
Gaur, Howard Kendall gogoratuko da Joseba Aguirre, Peio Uralde eta Patxi Alonsorekin
Gaur, 19:00etan, Thinking-en ‘Howard ‘s way’ filma proiektatuko da, athleticzaleentzat esanahi handiena duena. Dokumental hunkigarri honek Evertonen historia eta 1980ko hamarkadan Howard Kendallen aginduetara bere gorenera nola iritsi zen kontatzen du.
Joseba Agirre eta Peio Uralde Athletic Clubeko jokalari ohiek, Kendallekin bat egin zutenek, hartuko dute parte solasaldian, eta entrenatzaile ingelesaren lagun mina zen Patxi Alonso kazetariak moderatuko du.
La entrada a la Sala BBK para acudir a las proyecciones es gratuita, pero es necesario realizar antes la reserva. Un año más, muchas de las sesiones han colgado ya el cartel de “Entradas Agotadas”, pero aún puedes consultar la programación y disponibilidad AQUÍ.
