Athleticek Castellora egingo duen bisitarekin bat eginez, Valentziako harrobiko klub kaltetuenekin hitz egin dugu Athletic Club Fundazioaren ekimen solidarioari buruz
Laguntzak laguntza gehiago eskatzen du. Maitasunak maitasuna dakar, eta elkartasunak elkartasun handiagoa. Premisa horrekin bidaiatu zuten Athletic Clubeko Zuzendaritza Batzordeko ordezkariek eta Athletic Club Fundazioko kideek Alfalfarrera, DANAren ondorio gogorrenak gehien pairatu zituen Valentziako Erkidegoko hirietako batera.
Athletic Clubek, bere harrobia klubaren nortasunaren funtsezko zutabea izanik, hasieratik argi izan zuen bere laguntza Valentziako oinarrizko futbolera zuzenduta egon behar zela. Hori dela eta, Athleticek AMIC Athleticzale kanpaina jarri zuen martxan. Bertan, ehunka jarraitzaile zuri-gorrik euren ekarpen ekonomikoa egin zuten, 32.528 € bildu zituelarik. Gainera, Klubak 110.000 €-ko ekarpen gehigarria egin zuen, kirol-materiala eta kaltetutako oinarrizko futboleko taldeek nomaltasuna berreskuratzen lagunduko duten bestelako baliabideak erosteko.
Hala eta guztiz ere, Athleticek familia zuri-gorriaren maitasun eta babes guztia Vuelingeko bere hegazkinean eraman zuen, gehien kaltetutako harrobiko klubei zuzenduta. Honako hauek izan dira laguntza jaso duten harrobiko 11 klubak: CF E1 Paiporta, UD Aldaia CF, Sedavi CF, UD Balompie Alfafar, Unión Benetusser Favara CF, FBCD Catarroja, At. Benimar Picanya, CDB Massanassa, Discóbolo La Torre AC, CF Juventud Chiva eta Racing D ‘Algemesi.
UD Balompié Alfafar futbol zelaitik geratzen zena Valentziako klubetako agintarien eta Athletic Clubeko ordezkarien arteko elkargunea izan zen. Elkar ezagutu, besarkatu eta eskerrak emateko unea. Eskerrak hain une gogorretan jasotako babesagatik eta zuri-gorrien aldetik, erakunde horiek guztiek hiriko gazteenek, edozein baldintzatan, bizitzan gehien gustatzen zaiena egin ahal izateko, futbolean jokatzeko, erakutsi duten irmotasun ereduagatik.
