San Mamesen laguntza emateko proiektua

DENONTZAKO ESTADIOA

Mugikortasun murriztua duten pertsonei laguntzen diegu

Mugikortasun murriztua duten pertsonei zelaian lagun egiteko programa bat da. Haren helburua da mugikortasunaren erruz inor ez geratzea San Mamesera etorri eta Athletic Club babestu gabe, batez ere pertsona nagusiak.

Gure helburua mugikortasun murriztua duten pertsonentzat estadioa leku atsegina izatea da, eroso eta beso zabalik hartuak sentituko diren leku bat, alegia.

15.480

BOLUNTARIOTZA-ORDU ZELAIAN

+ 5.300

PERTSONA ARTATU

Estadioa berritu eta gero ikusi genuen pertsona nagusi askok San Mameseko harmaila altuenetan aukeratu zituztela jesarlekuak

Estadio berriaren arkitektura oso bertikala denez, pertsona batzuek zailtasunak zituzten beren lekura heltzeko. Kontu arkitektonikoez gain, kontuan hartu behar da biztanleria zahartzen ari dela, eta horrexegatik erabaki genuen mugikortasun murriztua duten pertsonei zelaian laguntzeko programa bat martxan jartzea. Programa hori burutzeko, duela gutxi sortutako erakundeko boluntariotza-programa baliatzea erabaki genuen, proiektuko erabiltzaileak boluntarioek artatzeak onura gehigarriak zekartzala sinetsita.

Boluntarioei –gehienak ikasle gazteak dira–, berriz, proiektu honek erakundearekin lotzeko, beren aisialdian beste batzuei laguntzeko eta San Mameseko partidetarako joateko aukera ematen die.

Bestalde, bigarren urtetik aurrera eta Lantegi Batuak-ekin elkarlanean, desgaitasun intelektuala duten hiru boluntario sartu ziren programan. Alde batetik, parte hartze horrek garrantzia itzela du boluntarioentzat, eta bestetik, ikusarazi nahi genuen desgaitasunen baten duten pertsonak gai direla beste egoera batean dauden pertsonei laguntzeko.

Elkarlaneko kidea:

San Mamesen partida hasi baino ordu eta erdi lehenago, gutxi gorabehera, 30 boluntarioz osatutako taldea sakabanatu egiten da, estadioko ate guztietan bi edo hiru boluntario egon daitezen

Pertsona horiek akreditatuta daude, eta oso erraz bereizten dira, txaleko berde bat baitaramate. Txapelgorriek badakite mugikortasun murriztua dela-eta laguntza eskatzen duen pertsona oro boluntarioengana bideratu behar dutela, eta bestalde, boluntarioek erne egoteko agindua dute, beharrean daudela diruditen pertsonei beren laguntza eskaintzeko.

Boluntarioek beren betebeharrak zehazten eta eskubideak aitortzen dizkien dokumentu bat sinatzen dute (formakuntza, asegurua, etab.). Dokumentu horrek Boluntarioen Barne-Estatutua du izena. Boluntario-taldea urtetik urtera mantentzen saiatzen gara, garrantzitsua iruditzen baitzaigu erabiltzaileek, batez ere pertsona nagusiek, laguntzen dituzten pertsonak hurbilekoak direla sentitzea. Proiektuak martxan daraman urteetan istorio zoragarriak sortu dira boluntarioen eta erabiltzaileen arteko loturetatik.

Non garatzen den proiektua

San Mames Estadioa

San Mamesen laguntza emateko proiektua festibalari loturiko berriak

01 APIRILA 2025

Egur Pellet, Fundazioarekin bat

Zur-hondakinen kudeaketa integralean espezializatutako enpresak San Mamesen laguntza emateko proiektua babestuko du Egur Pellet, zur-hondakinen kudeak[...]

Irakurri gehiago

08 URRIA 2019

DROMOS enpresa Boluntario Programarekin bat.

DROMOS EUROPE SL enpresak sei gurpildun aulki eman dizkio dohaintzan Athletic Club Fundazioari Fundazioak laguntza programa bat dauka San Mamesen, [&h[...]

Irakurri gehiago