Irailaren 30ean jakingo dugu peña bakoitzeko irabazleak nortzuk diren, eta bildutako dirua Fundazioaren gizarte-proiektuetara bideratuko da
Athletic Club Fundazioak ongintzako zozketa bat antolatu du, eta 470 peña zuri-gorri ofizialetatik nahi duten guztiek parte hartu dezakete. Fundazioak sei sariko lote bat eskainiko dio peña bakoitzari, doan. Peña bakoitzeko parte-hartzaileen artean zozkatuko da, eta 2021eko irailaren 30ean jakingo dute nortzuk izan diren zorionekoak. Txartel bakoitzaren kostua 10 eurokoa da, eta bildutako dirua Athletic Club Fundazioaren gizarte-proiektuetara bideratuko da.
Ekimen honetan parte hartzeko interesa duten peña guztiek [email protected] helbidea idatzi behar dute, beren sari-sorta eta txartelak jasotzeko. Peñaren izena, harremanetarako pertsonaren izena eta bere telefono zenbakia adierazi beharko dira.
Sarien artean honako produktuak daude:
- San Mames BATeko bi sarrera (eremu zentrala, catering zerbitzurik gabe)
- Kirol erloju teknikoa.
- Kirol aurikularrak.
- Athletic Club Fundazioaren motxila.
- Athletic Club Fundazioaren kirol-jertse teknikoa.
- Athletic Club Fundazioaren kirol-jaka teknikoa.
Era berean, saldutako berrogeita hamar txarteleko multzo bakoitzeko, bigarren zozketa berezi baterako zenbaki bat lortuko da. Sariak honakoak izango dira:
- BAT eremurako bost sarrera bikoitz. Catering eta taberna eskubidearekin.
- Museora eta San Mameseko Bisitara sartzeko bost sarrera bikoitz.
- 2021eko Superkoparen erreplika baten bost ale.
