Fundazioak Asteklimarekin bat egingo du

Lurgaiaren eta Bilboko Udalaren eskutik, eta Gizakiarekin batera, Nerbioi itsasadarrean egiteko proposatutako bi jardueratan parte hartuko du: hondakinen bilketa eta interpretazio-ibilaldia

Athletic Club Fundazioak bat egingo du irailaren 22tik urriaren 1era bitartean Euskadin ospatuko den Klimaren eta Energiaren Astearen laugarren edizioarekin. Asteklima Eusko Jaurlaritzako Ekonomiaren Garapen, Jasangarritasun eta Ingurumen Sailak EVE eta Ihobe erakunde publikoen bidez bultzatutako ekimena da, eta beharrezko trantsizio energetiko eta klimatikoaren aurrean herritarrak kontzientziatzea eta mobilizatzea du helburu.

Lurgaia Fundazioarekin lankidetzan, Athletic Fundazioak herritarrak berotze globalaren eta trantsizio energetiko eta klimatikoaren aurrean mobilizatzeko programatutako jarduera-agenda zabalaren parte diren bi jardueratan parte hartuko du.

Plastikoen eta zaborren bilketa Nerbioi ibaian (Abusu) eta paseoa piraguan itsasadarrean (larunbata, irailak 30, 9:30ean)

Ibaietako ekosistemei eta plastikoek ibaietan eta itsas ekosistemetan eragiten dituzte arazoei buruzko hitzaldia. Ibaira sartuko gara Abusu aldean eta hondakinak bilduko ditugu. Bildu ondoren, hondakinak sailkatu eta zein bere edukiontzian utziko ditugu. Jarduera amaitzeko, piraguaz gidatutako zeharkaldi bat egingo dugu itsasadarretik Bilboko Itsas Museoraino.

Interpretazio-ibilbidea itsasadarretik (igandea, Urriak 1, 9:30ean)

Oinezko pasiera itsasadarretik, Udaletxean hasi eta Zorrotzaraino; itsasadarraren hobekuntza fisiko-kimikoa eta biologikoa azalduko digute eta bertan bizi diren espezieak behatzeko aukera izango dugu.

Javier Francok emango ditu azalpenak; biologian doktorea da eta itsasoetako eta kostaldeetako ingurumen-kudeaketan aditua da Azti zentro teknologikoan. Javier duela 30 urtetik ari da itsasadarrean ikertzen, eta ondo ezagutzen du harrezkero izan duen eraldaketa.

Asteklimarako antolatutako jarduera horietan, Fundazioak, aurrekoetan bezala, aukera hori baliatuko du gizarte-proiektuetako erakunde laguntzaileak inplikatzeko. Horrela, guztien onerako, Gizakia Fundazioko erabiltzaileek Astekliman parte hartuko dute.