Brentford Penguins FC taldeari buruzko dokumentalak, Down sindromea duten adingabeek osatutakoak, ikusleak hunkitzen ditu Thinking Football 2023ren amaiera ekitaldian
Thinking Football Film Festival 2023 jaialdia ahalik eta ondoen amaitu da gaur: Sala BBK aretoko ikusleak zutik, hunkituta, eta txaloka Mighty Penguins (Pinguino Ahaltsuak) talde osoari. Klubaren armarrian agertzen den bezala, Brentford Penguins FCrentzat ezer ez da ezinezkoa (“Nihil impossibile est”) eta jarrera horrekin mugitzen dira munduan zehar Down sindromea duten adingabeen taldea, Allan Cockram Premiere taldeko jokalari ohiaren eskutik zuzenduta. Bilbora egindako bisitan erakutsi duten jarrera bera erakutsi dute, Ahalegina taldearekin futbolean aritzeko aukera izan baitute, Down sindromea duten adingabeei zuzendutako Fundazioaren proiektuan. Partida Lezamako zelai nagusian jokatu da, garai bateko San Mameseko arkuaren azpian, haurrek adin txikikoen senideek adina gozatu duten jai giroan. Allan Cockram aparteko coach bat bada, ahulena motibatzeko gai dena, Igor Arenaza eta Fundazioko gainerako teknikariak ez doaz atzetik, eta jokaldi bakoitza Munduko Txapelketa bateko finalaren garaipenaren gola balitz bezala ospatu da. Zineman zein bizitzan frogatuta geratzen denez, jarrera alde handia markatzen duen gauza txiki bat da.
Dokumentalaren emanaldiaren ondoren egindako solasaldian, Louis Myles, filmaren zuzendaria, Allan Cockram, entrenatzailea eta taldearen sortzailea, eta jaialdiaren zuzendaria Galder Reguera izan dira. Pelikulan, Allan Cockramek Penguins taldea sortzera eraman zuen esperientzia pertsonala kontatzen du. “Down sindromea zuten bi ume ezagutu nituen. Batzuetan futbolean jokatzen nuen beraiekin. Ondo pasatzen genuen. Haietako bat hil zenean, futbola bere bizitzak hobetzeko tresna ona izan zitekeela pentsatu nuen, eta hortik sortu zen kluba”. Allanek eskerrak eman nahi izan dizkio Athletic Clubari egindako harreragatik, “egun ahaztezina eta zoragarria da. Penguins taldearen biraren hasiera da… eta azkenean Messi ezagutuko dugu”.
Bestalde, Louis Myles pozik agertu da dokumental berriarekin Bilbora itzuli delako. “Thinking-a bisitatu nuen nire Kaiser filma aurkezteko, eta banekien Athletic Club Fundazioak Down sindromea zuten adingabeen talde batekin ere lan egiten zuela. Bi kluben arteko topaketak partekatzen dituzten balio guztiak erakusten ditu: komunitatea, maitasuna, gizatasuna, alaitasuna…”
Sala BBK aretoan izan dira Brentford Penguins eta Athletic Club Genuine eta Ahalegina taldeetako haur asko. Jose Angel Iribarrek, Jon Ruigomezek, Josetxu Urrutiak, Egoitz Begoñak, Ana Diezek, Laura Ruiz de Azuak eta Goizalde Santamarinak klubaren izenean, ez dute amaiera berezi hau galdu nahi izan.
Amaiera bikaina futboleko eta zinemako aste bikainari.
Zinema
