Futbolaren garapenerako bidea ireki zuten emakumeen historia izan da garaile programatutako film batek ere 8tik beherako puntuaketa izan ez duen edizio batean
Ziur aski, Thinking Football Film Festival-aren XIV. edizioa bere historiako mailarik altuena izan duen edizioa izan da. Edo hala islatzen du, behintzat, Publikoaren Saria irabazi duen filmaren bozketen emaitzak. ‘Pioneras’, Marta Diaz de Lope Diazek zuzendua, 9’76ko batez besteko notarekin nagusitu da, ‘El partido’ bigarren geratu da 9’38rekin eta ‘The Last Guest of the Holloway Motel’ hirugarren 9’36rekin. Podiumeko pelikulek jaso duten puntuazio altuaz gain (denak 9 eta 10 artean), nabarmentzekoa da pelikula guztiek batez beste 8a gainditzen dutela.

‘Pioneras: Solo querían jugar’ (2026) filmak itxi zuen larunbatean Athletic Club Fundazioaren zine jaialdia eta BBK Aretoko publikoa bereganatu zuen. Benetako gertaeretan oinarrituta, futbolean aritzea erabaki zuen emakume talde baten istorioa kontatzen digu. Garai hartan, 70eko hamarkadaren hasieran, kirol hori gizonezkotzat jotzen zen.
Carmen Martinez, ‘Kubalita’, Lezaman
Carmen Martinez, ‘Kubalita’, filmean agertzen den aitzindarien taldekide izan zen futbolari historikoetako bat, proiekzioan izan zen Sofia de Iznajar aktorearekin batera, eta Galder Reguerarekin batera parte hartu zuten Thinking-aren ohiko solasaldian.
‘Kubalita’, gainera, goizean zehar Lezamako instalazioak bisitatu zituen, emakumeen lehen taldea zuzenean ezagutu zuen eta Langraizen eskutik partidaren oroitzapenezko kamiseta jaso zuen. Carmenen eta Sofiaren bisita inspirazio iturri izan zen lehoientzat, eta hurrengo egunean nagusitasunez gailendu ziren Anoetako derbian
EITBk babestutako saria
EITBk babestutako Thinking Football-aren Publikoaren Sariak 3.000€ ematen dizkio film irabazleari, eta diru kopuru hori guztia filmaren lantaldeak berak aukeratutako proiektu sozial batera bideratu behar da.
Halaber, banatzen den sarian, emakume futbolari baten irudia irudikatzen da: beso batekin baloi bat hartzen du eta, bestearekin, liburu multzo bat.
Futbola dena da, dena futbola ez denean.









